दोन दिवसांत 11 लाख कोटी स्वाहा! शेअर बाजार कोणत्या दिशेने? तज्ज्ञांनी वर्तवला अंदाज

शेअर बाजारात अलिकडेच मोठी घसरण झाली आहे. गेल्या दोन सत्रांमध्ये सेन्सेक्स आणि निफ्टी 2.5 टक्क्यांहून अधिक घसरले आहेत, ज्यामुळे गुंतवणूकदारांना अंदाजे 11 लाख कोटी रुपयांचे नुकसान झाले आहे. तज्ज्ञांचे म्हणणे आहे की शेअर बाजारातील अस्थिरता नजीकच्या भविष्यातही कायम राहू शकते. कारण इराण आणि अमेरिका इस्रायलमधील युद्ध लवकर संपण्याची अपेक्षा नाही. मात्र भारतीय बाजारासाठी दीर्घकालीन गुंतवणूकीचा दृष्टीकोन महत्त्वाचा ठरू शकतो.

सोमवारी सेन्सेक्स 1,000 पेक्षा जास्त अंकांनी घसरला, तर निफ्टी 300 अंकांनी घसरला. आनंद राठी शेअर्स अँड स्टॉक ब्रोकर्सच्या असोसिएट डायरेक्टर तन्वी कांचन म्हणतात की, अल्पावधीत बाजारात लक्षणीय अस्थिरता दिसून येऊ शकते. सोमवारी, इंडिया VIX निर्देशांक हा 25 टक्क्यांहून 17.13 वर पोहोचला, जो शेअर बाजारात अस्थिरतेची शक्यता दर्शवितो. शेअर बाजारातील अस्थिरता (Volatility) मोजणारा एक महत्त्वाचा निर्देशांक, पुढील 30 दिवसांत बाजारात किती चढ-उतार होऊ शकते याचा अंदाज. मात्र, मागील आकडेवारी पाहता, मोठ्या घसरणीमुळे दीर्घकालीन काळात भारताचे मोठे नुकसान झाले नाही.

मोठी अपेक्षातन्वी कांचन म्हणाल्या जानेवारीमध्ये निव्वळ GST संकलन 1.71 लाख कोटी होते आणि आर्थिक वर्ष 2027 मध्ये उत्पन्नात सुधारणा होण्याची अपेक्षा आहे. सार्वजनिक क्षेत्रातील बँका आणि धातू कंपन्यांनाही तिमाही निकाल चांगला असण्याची अपेक्षा आहे. पीएल कॅपिटलचे सल्लागार प्रमुख विक्रम कसत म्हणाले की, जवळच्या काळात येणाऱ्या अडचणी असूनही, देशांतर्गत मॅक्रो मजबूत राहतील.

परिणाम काय?श्रीराम वेल्थचे सीओओ आणि उत्पादन प्रमुख नवल कागलवाला म्हणाले की, पश्चिम आशियातील घटनांमुळे बाजार घसरला आहे. हे यापूर्वी अनेक वेळा घडले आहे, परंतु असे आढळून आले आहे की अशी घसरण अल्पकालिन असते आणि त्यानंतर बाजारात स्थिरता येते. जर आणखी घसरण झाली तर ते व्हॅल्यूएशनला व्यावहारिक बनवेल. महत्त्वाचे म्हणजे, या घटनेचा भारताशी थेट काहीही संबंध नाही. मात्र, त्याचा परिणाम तेलाच्या किमती आणि निर्यात-आयात-संबंधित विभागांवर दिसून येऊ शकतो.

ते पुढे म्हणाले की, पश्चिम आशियातील संकटाचा भारतीय बाजारपेठेवर सकारात्मक परिणाम होऊ शकतो. त्यांनी सांगितले की, अनेक जागतिक बाजारपेठांवर याचा परिणाम झाला आहे. यामुळे भांडवल प्रवाहात बदल होऊ शकतो. देशांतर्गत मागणी मजबूत असल्याने भारत हा एक सुरक्षित बाजार आहे. शुक्रवारी, परदेशी गुंतवणूकदारांनी भारतीय बाजारात 7,536 कोटींचे शेअर्स विकले, तर देशांतर्गत गुंतवणूकदारांनी 12,293 कोटींची खरेदी केली.

गुंतवणूकदारांना सल्लातन्वी कांचन म्हणाल्या की, ही वेळ पॅनिक सेलिंगची नाही, तर शिस्तीची आहे. त्यांनी गुंतवणूकदारांना त्यांच्या पोर्टफोलिओचा आढावा घेण्याचा आणि लीव्हरेज्ड पोझिशन्स टाळण्याचा सल्ला दिला. एसआयपी गुंतवणूकदारांनी गुंतवणूक करत राहावी, कारण अशा चढउतारांमुळे दीर्घकालीन संपत्ती निर्मिती होते.

Disclaimer - शेअर बाजारातील गुंतवणूक करणे जोखीमेचे असू शकते. कोणतीही गुंतवणूक करण्यापूर्वी प्रमाणित सल्लागाराचा सल्ला घेणे आवश्यक आहे.

2026-03-03T14:17:10Z